Ongi etorri LARRA- LARRAU Nazioarteko Martxa Zikloturistaren Web orri ofizialera.

INSKRIPZIOAK ITXITAK DAUDE. 1000 PERTSONA BESTERIK EZ. 

 

Lagun zikloturista:

Beste urte batez gonbidatzen zaitugu gurekin batera Erronkariko paisaia, mendate, lagun, herritar eta herriekin gozatzera... hau da, Nafarroako Pirinioetan Larra-Larrau martxa ikusgarriarekin ongi pasatzera.
Irailaren 4ean dugu hitzordua; berriz ere iazko lagunekin elkartzeko eguna da, eta pasa den urtean bezala, Pirinioetako errepideetan ilusioa eta esfortzua konpartituko dugu, txirrindulari batek bakarrik Pirinioetako inguru paregabean esfortzuaren erdian senti ditzazkeenak. Galduko al duzu?
Ez duzu derrigorrean bizikleta ekarri behar; lagun txirrindulari batekin etor zaitezke, bi ibilbideetako bat egiteko irrikitan dagoen lagunarekin, edo edozein mendatetik martxa ikustera etor zaitezke. Baina ziur egon, egunaren bukaeran “datorren urtean parte hartu nahi dut” pentsatuko duzula. Hori bera gertatu zitzaien duela 17 urte, martxa honen lehenengo ediziora etorri ziren lehenengo txirrindulari gutxi horiei.
Orain, adinez nagusi bihurtzeko bezperan, Izabako Udal, lagun eta elkarte askoren esfortzuari esker, zikloturista askoren uda bukaerako egutegian gorriz jarritako hitzordua bilakatu da

.
Martxa honetan ohikoa baldin bazara, jakinen duzu; horrela ez bada, zera kontatu nahi dizugu: Larra-Larrauren izpiritua ez da ahalik eta partaide gehiago izatea, ez; martxa zikloturista kutun eta etxekoa nahi dugu, eta horregatik muga jartzen dugu: urtero, gehienez, 1000 lagun parte hartuko dute; nahiz eta txirrindulari kopurua ez handitu, urtetik urtera antolatzaileok erronka bera dugu: martxaren inguruan zerbitzu hobe eta berriak eskaini.
Aurtengo edizioan berrikuntzak ditugu: ibilbide luzearen erdian denbora kontrolerako puntua jarri dugu, eta ibilbide motzeko partaideei beste anoa solido bat emango zaie; hauek iaz zuek egindako eskaerak dira, baina baditugu gehiago: horiek irailaren 4ean ikusiko dituzu.